Wiukomme bi Claudia's Erdnussbutter
Entdeck dr einzigartig Gschmack und die cremegi Konsistenz mit Biss. In Thun mit viu Liebi und Sorgfalt hergsteut, us natürleche Zuetate mit viu Protein und essenzielle Nährstoff - Claudia's Erdnussbutter isch eifach rundum guet!
- E Guete! -
Mini Vision
Claudia's Erdnussbutter isch mit Abstand die beschti Erdnussbutter wos git! Sogar die, wo bis itz ke Fan vo Erdnussbutter si gsi, si nachem erschte Löffu vo Claudia's Erdnussbutter begeischteret!
Mi Troum isch, dass aui Lüt dr Ungerschid chöi erlebe und d'Müglechkeit bechöme, richtig gueti Erdnussbutter, Claudia's Erdnussbutter, chönne ds esse, ds schnouse und ds gniesse.
Natürlech & rein
Mini Erdnussbutter beinhaltet ke Zucker oder künstlechi Zuesatzstoffe. I gloube ed d Chraft vor Natur und em Bode und la die i jedem einzelne Glas vo Claudia's Erdnussbutter la strahle.
Vou mit Nährstoff und Protein
Ärdnüssli si e hervorragendi Queue für Protein und essenziellli Nährstoff. Claudia's Erdnussbutter liferet dir Energie, wo du im Alltag bruchsch und ungerstützt glichzyttig dini usgwognegi Ernährig.
Handgfertigt mit Liebi
Jedes Glas vo Claudia's Erdnussbutter wird vo mir vo Hand abgfüllt und etikettiert. Mis Engagement für höchsti Qualität spielgletsech i jedem Schritt vom Prozess wider.
E Gnuss für aui
Ob gross oder chli, jung oder alt - Sogar die, wo bis itz ke Fan vo Erdnussbutter si gsi, werde vo Claudia's Erdnussbutter begeischteret si! Ds einzigartige Gschmacksprofieu und die agnehmi Textur mache seubscht die grösste Skeptiker zu Erdnussbutterliebhaber.
Mini Wert
Touch i ids einzigartige Gschmackserlebnis vo Claudia's Erdnussbutter - handgmacht füre ultimativ Gnuss. Angers aus herkömmlechi, gmaunegi Erdnussbutter, wird Claudia's Erdnussbutter dürne moderne Hackprozess hergsteuet, wo e unwiderstehlechi cremigi Konsistenz mit Crunch verleiht.
Feed the beast in you!
Egau, ob du Claudia's Erdnussbutter uf ds Brot strichsch, zum Dippe vo Gmües u Frücht bruchsch, i Sauce und Smoothies duesch oder eifach mitem Löffu direkt usem Glas issisch - ladi vom Gschmack la verwöhne, inspiriere und dir es Lache ids Gsicht zoubere!
Gern darfsch du hie dini Meinig hingerlah und anderi Meinige lese.
Über uns
Claudia's Erdnussbutter het sich dr Herstellig vo hochwertiger Erdnussbutter verschribe. Üse speziell Herstelligsprozess und Liebi zum Detail mache üsi Produkt einzigartig. I lege grosse Wert uf natürlechi Zuetate und d Chraft vom Bode. Bi mir fingsch du ni nume es Produkt, sonder e Lideschaft für Qualität und Gschmack.
Kommentar hinzufügen
Kommentare
Yeah - dr Hammer🔨!! 🥳🤩
I wünsche ganz vil Erfolg drmit🤞🏽 We me die Claudias Erdnussbutter nämlech mal probiert het, merkt me würklech, dass DIE ke „0-8-15“-Ärdnussbutter isch…🤩 Chani nume empfähle!🤩
Ganz liebi Grüess
Svenja😎