Mini Gschicht & mis Zieu

Claudia's Erdnussbutter gits, wüu i (Claudia) uf Grund vomne Outounfau lengeri Zyt ni viu ha chönne mache, vo dene Sache wo mir würklech Fröid gmacht hei. Und de het mir mini Schwöschter, d'Christa, es Seckli Erdnüssli verbibracht u gmeint, i söu usefinde, wime us dem feini Erdnussbutter cha mache, i heig ja its Zyt.
Und obwou i Erdnussbutter bis zu dem Punkt würklech ni gern ha gha, ha i afa probiere Erdnussbutter herzsteue. Diversi Chuchigrät und Versüech hei müesse dragloube und irgendwenn hani öppis mega feins kreiert gha - Claudia's Erdnussbutter.
Aui wo Claudia's Erdnussbutter probiert hei si begeischteret gsi, so dass i immer meh Bstellige becho ha. U wüu d'Nachfrag immer grösser wird hani e Kooperation mit OHNI Thun GmbH ufbout, wo bis hüt besteit.

Mis Zieu isch, dass i mit Claudia's Erdnussbutter müglechscht viune Lüt e Fröid im Alltag cha mache. Wüu so e Löffu Claudia's Erdnussbutter isch eifach sooooo guet!

Ds Team

Nachem Start elei im Jahr 2019 si mir sit Früehlig 2024  zwöi Persone, wo zeme düe Erdnussbutter produziere, kreiere und Sache diskutiere. Zudem wirdi regumässig vo mine liebe Eltere bim Produziere und Lagere und vo mire Schwöschter bim Lifere und Werbig mache ungerstützt. Es riiiiise grosses Merci für öii Hiuf! 

Claudia - Produktion und Entwicklig

"Claudia's Erdnussbutter geit immer! Em liebschte mit Chourabi oder i Umelettli. Aber o Erdnussbutterpesto mit Spaghetti isch mega guet. Und natürlech Brownies mit Erdnussbutter. 

Was mir so Fröid macht, isch, weni gseh wie fein d Lüt Claudia's Erdnussbutter finde und was für kreativi Ideene si hei. Immer wider nimi Inputs uf und probiere nöii Kreatione us. U ds aueri Beschte e dem Ganze isch, dasi mit dere Erdnussbutter ganz viune Lüt jede Tag chli schöner cha mache - einfach toll!"

Livia - Produktion und Planig                               

"Energie mit Claudia‘s Erdnussbutter. Egau ob nachere asträngende Sitzig oder nach em Ungerricht vor Witerbiudig, e Snack mit Claudia’s Erdnussbutter bringt eim geng neui Energie! Am liebste zäme mit Chourabi oder Peperoni. Ou sehr fein isch Claudia's Erdnussbutter ihre Sauce, wo i über die Pasta oder über Gmüess tue.

Es macht sehr Freud d'Erdnussbutter vo "Hang" dörfe ds herzsteue und ds gseh, was meh erschaffe het. Wie us vieu Liebi öpis extrem feins cha entstah.